TOVUZ RAYONUNDA HEYVANLAR ARASINDA PROFİLAKTİK TƏDBİRLƏR DAVAM ETDİRİLİR

Böyütmək | Kiçiltmək |

 

2019-cu ilin yanvar ayının ilk günlərindən başlayaraq Tovuz rayonunda heyvanlar arasında profilaktik peyvəndləmə və diaqnostik müayinə tədbirləri aparılır.

Kənd Təsərrüfatı Nazirliyi yanında Dövlət Baytarlıq Xidməti bildirir ki, Tovuz rayonunda "Epizootiya əleyhinə profilaktika və diaqnostika tədbirlər planı"na uyğun xüsusi təhlükəli xəstəliklərə qarşı profilaktik peyvəndləmə, diaqnostik müayinə, dezinfeksiya və digər tədbirlər davam etdirilir. Bu tədbirlər Tovuz Rayon Baytarlıq İdarəsinin 15 sahə baytarlıq məntəqəsi tərəfindən aparılır.

Hazırda Tovuz Rayon Baytarlıq İdarəsi vətəndaşların xüsusi mülkiyyətində olan 47000 baş iribuynuzlu, 238000 baş xırdabuynuzlu, 3300 baş təkdırnaqlı heyvan, 8000 baş it və 500 min başdan artıq ev quşuna baytarlıq xidməti göstərir.

Tovuz Rayon Baytarlıq İdarəsi tərəfindən cari ilin ilk günlərindən başlayaraq bu günə kimi rayonun ayrı-ayrı təsərrüfatlarında 46283 baş iribuynuzlu, 3347 baş təkdırnaqlı heyvanda qarayara, 7939 baş sahibli itdə quduzluq, 349730 baş cücədə nyukasl xəstəliklərinə qarşı peyvəndləmə tədbirləri aparılıb.

Fevral ayından Tovuz rayonu ərazisində saxlanılan iribuynuzlu heyvanlar arasında dabaq xəstəliyinə qarşı peyvəndləmə tədbirinə başlanılıb. Artıq 46565 baş iribuynuzlu heyvanda dabaq xəstəliyinə qarşı peyvəndləmə aparılıb.

Mart ayının ilk günlərindən isə Tovuz Rayon Baytarlıq İdarəsi tərəfindən sahə baytarlıq məntəqələri arasında iribuynuzlu heyvanların iti yoluxucu nodulyar dermatit xəstəliyinə qarşı aparılacaq vaksinin bölgüsü başa çatdırılıb və peyvəndləmə tədbirinə başlanılıb. Artıq 39461 baş iribuynuzlu heyvanda nodulyar dermatit xəstəliyinə qarşı peyvəndləmə işi aparılıb. Bu müddətdə həm də 110000 baş xırdabuynuzlu heyvanda çiçək xəstəliyi əleyhinə profilaktik peyvəndləmə tədbirləri görülüb. Eləcə də 9380  kvadratmetr sahədə profilaktik, 50 kvadratmetr sahədə isə məcburi dezinfeksiya işləri aparılıb. Ümumiyyətlə, rayonun təsərrüfatlarında heyvanlar arasında aparılan peyvəndləmə tədbirləri “soyuq zəncir” rejiminə riayət olunmaqla həyata keçirilir.

Qeyd edək ki, rayonda baytarlıq preparatlarının istifadəsində şəffaflığın təmin edilməsi məqsədilə üzərində “satıla bilməz” sözü yazılmış biopreparatların və dərman maddələrinin heyvanlara təmənnasız tətbiqi barədə heyvan sahibləri ilə söhbətlər və izahat işləri aparılır. Həmçinin tədbirlər çərçivəsində maariflənmə işi aparılaraq həm iti yoluxucu, həm də daxili yoluxmayan xəstəliklər barədə təsərrüfat sahiblərinə ətraflı məlumatlar verilir, təsərrüfatlarda baytarlıq-sanitariya qaydalarına ciddi əməl olunması tövsiyə edilir. Mövsümi xəstəliklərə, o cümlədən qan parazitləri, helmintozlar və dəri mozalanlarına qarşı heyvan sahibinin hesabına aparılacaq tədbirlər barədə məsləhətlər, risklər (xəstəliklərin yaranma, ötürülmə, yoluxma, idarə olunma, azaldılma və qarşısının alınması) və yeni yanaşmalar barədə ətraflı məlumatlar verilir.

Tovuz rayonu ərazisində saxlanılan heyvanlarda bundan sonra da peyvəndləmə tədbirləri davam etdiriləcək. Belə ki, iribuynuzlu heyvanlarda leptospiroz, bruselyoz (ştamm-19 vaksini ilə), xırdabuynuzlu heyvanlarda dabaq, leptospiroz, quşlar arasında nyukasl və digər xəstəliklərə qarşı profilaktik peyvəndləmə tədbirləri aparılacaq. Həmçinin atlarda manqo (göz sınağı müayinəsi), iribuynuzlu heyvanlarda vərəm (allergik müayinə), xırdabuynuzlu heyvanlarda bruselyoz və qoçlarda epididimitə (seroloji müayinə) görə diaqnostik, quşlarda, iri və xırdabuynuzlu heyvanlarda (askaridioz, diktikaulyoz, fassilyoz və s.) koproloji müayinələrin aparılması nəzərdə tutulur.   

Dövlət Baytarlıq Xidməti bildirir ki, rayon (şəhər) baytarlıq idarələri baytarlıq preparatları, lazımi ləvazimat və avadanlıqlarla təmin edilib.

Hazırda xüsusi təhlükəli xəstəliklərə görə respublikada epizootik vəziyyət sabitdir.

TOVUZ RAYONUNDA HEYVANLAR ARASINDA PROFİLAKTİK TƏDBİRLƏR DAVAM ETDİRİLİR
TOVUZ RAYONUNDA HEYVANLAR ARASINDA PROFİLAKTİK TƏDBİRLƏR DAVAM ETDİRİLİR
TOVUZ RAYONUNDA HEYVANLAR ARASINDA PROFİLAKTİK TƏDBİRLƏR DAVAM ETDİRİLİR
TOVUZ RAYONUNDA HEYVANLAR ARASINDA PROFİLAKTİK TƏDBİRLƏR DAVAM ETDİRİLİR
TOVUZ RAYONUNDA HEYVANLAR ARASINDA PROFİLAKTİK TƏDBİRLƏR DAVAM ETDİRİLİR
TOVUZ RAYONUNDA HEYVANLAR ARASINDA PROFİLAKTİK TƏDBİRLƏR DAVAM ETDİRİLİR
TOVUZ RAYONUNDA HEYVANLAR ARASINDA PROFİLAKTİK TƏDBİRLƏR DAVAM ETDİRİLİR