Avropa İttifaqının maliyyələşdirdiyi “Aqrar məsləhət xidmətlərinin gücləndirilməsi” layihəsi çərçivəsində yaxın günlərdə Qubada regional ofis açılacaq. Ofis ölkədə aqrar məsləhət xidmətlərinin inkişafı üçün hazırlanmaqda olan strategiyanın və hazırlanmış yeni modelin region fermerlərinə uyğunluğunu sınaqdan keçirəcək.
BMT-nin Ərzaq və Kənd Təsərrüfatı Təşkilatının (FAO-nun) həyata keçirdiyi “Aqrar məsləhət xidmətlərinin gücləndirilməsi” layihəsi çərçivəsində Azərbaycanda aqrar məsləhət xidmətlərinin inkişafı üzrə beşillik strategiya hazırlanır. Layihəyə əsasən iki pilot regionda – Gəncə və Quba regionlarında bu strategiyaya uyğun üçillik planların icrası nəzərdə tutulub.
Layihənin regional fəaliyyəti Quba, Qusar, Xaçmaz, Şabran, Siyəzən rayonlarını əhatə edəcək. Region iqtisadiyyatında üstünlük təşkil edən aqrar sahə istiqamətlərindən, fermerlərin məşğulluğundan asılı olaraq aqrar məsləhət xidmətlərindən istifadə mexanizmi təqdim ediləcək. Layihə əməkdaşları region fermerləri, aqrar məsləhət xidməti təminatçıları, bələdiyyə və Kənd Təsərrüfatı Nazirliyinin regiondakı alt qurumlarının nümayəndələri ilə görüşlərdə yeni aqrar məsləhət xidməti modeli barədə məlumat veriblər. Bildirilib ki, yeni model dövlət büdcəsindən əlavə (çox) xərclər tələb etmir və həm dövlət, həm də özəl aqrar məsləhət xidməti təminatçılarını fermerə məsləhət xidməti göstərmək üçün bir araya gətirir. Modeldə bütün tərəflərin innovasiya və yeniliklər əldə edə biləcəyi məlumat bazası da nəzərdə tutulub.
“Quba-Xaçmaz iqtisadi regionunda yeni modeli sınaqdan keçirmək üçün bir sıra üstünlüklər var. Regionda bitkiçiliyin inkişafı, fermerlərdə təsərrüfatçılıq ənənələrinin formalaşması, Meyvəçilik və Çayçılıq Elmi-Tədqiqat İnstitutu, Regional Aqrar Elm və İnnovasiya Mərkəzi kimi qurumların burada yerləşməsi, münbit torpaq və iqlim şəraiti aqrar məsləhət xidmətinin bütün fermerlər üçün əlçatan edilməsini vacib edir”, - deyə layihənin milli koordinatoru Vüqar Bəşirov bildirib.
Layihənin milli koordinatoru qeyd edib ki, artıq regionda icmaların seçilməsi üçün fəaliyyətə başlanıb. Aqrar sahə iştirakçıları ilə görüşlərdə onların fikirləri və təklifləri qiymətləndirilərək seçim başa çatdırılacaq və pilot fəaliyyətlər həmin icmalarda tətbiq ediləcək.
İsmayıllıda növbəti Aqrar Biznes Festivalı keçirilib
08 May 2024
11-12 may tarixlərində “Kənddən Şəhərə” həftəsonu yarmarkası təşkil ediləcək
08 May 2024
Aqrar Sığorta Fondunun İdarə Heyətinin sədri Fuad Sadıqov Ağdamda vətəndaşları qəbul edəcək
08 May 2024
Aqrar Sığorta Fondu hava şəraitinin kəskin dəyişməsi ilə bağlı fermerlərə müraciət edib
08 May 2024
Aqrar Kredit və İnkişaf Agentliyinin sədri Seymur Mövlayev Balakəndə vətəndaşları qəbul edəcək
08 May 2024