Kənd Təsərrüfatı Nazirliyi tabeliyində Dövlət Toxum Fondu Beynəlxalq Toxum Federasiyasına üzv qəbul edilib. Üzvlük barədə qərar Beynəlxalq Toxum Federasiyasının 3-5 iyun tarixində keçirdiyi Ümumdünya Toxum Konqresində qəbul edilib.
Beynəlxalq Toxum Federasiyasının baş katibi Maykl Keller ilə Dövlət Toxum Fondunun sədri Emin Əliyev arasında əldə edilən razılığa əsasən, Azərbaycan bu mötəbər quruma tamhüquqlu üzv olub.
Üzvlük Dövlət Toxum Fonduna qurumun verdiyi bütün hüquq və səlahiyyətlərdən istifadə etmək imkanı verir. Beynəlxalq aləmdə toxumçuluq sahəsində trendləri və qaydaları diqtə edən bu qurum Yeni Bitki Növlərinin Qorunması Birliyi (UPOV), İqtisadi Tərəfdaşlıq və Əməkdaşlıq Təşkilatı Toxum Layihələri (OECD Seed Scemes), Beynəlxalq Toxum Sertifikatlaşdırılması Assosiasiyası (ISTA), Beynəlxalq Bitki Mühafizəsi Konvensiyası (IPPC), Ümumdünya Müəllif Hüquqları Təşkilatı (WIPO), BMT-nin Ərzaq və Kənd Təsərrüfatı Təşkilatı (FAO) və digər təşkilatlarda nüfuzlu söz sahibidir.
65 ölkədən 1700-dən artıq nümayəndənin qatıldığı Ümumdünya Toxum Konqresi çərçivəsində Azərbaycan nümayəndə heyəti 40-dan artıq şirkətlə görüş keçiriblər.
Dövlət Toxum Fondunun sədri Emin Əliyev bildirib ki, Beynəlxalq Toxum Federasiyasına üzvlük Azərbaycanda istehsal olunan yüksək keyfiyyətli toxumları xaricə satmağa imkan verəcək: “Keçirdiyimiz görüşlərdə biz dünyanın məşhur şirkətlərinin Azərbaycan bazarına gəlmək istəyini müşahidə etməklə yanaşı, bizim məhsulların da xarici bazarlarda böyük uğur qazanacaqlarına əmin olduq”.
Emin Əliyev əlavə edib ki, təşkilata üzvlük sayəsində qurulacaq geniş əlaqələr azərbaycanlı alimlərin seleksiya nailiyyətlərini paylaşmaq və onları beynəlxalq səviyyədə tanıtmaq imkanı da verir.
Qeyd edək ki, Beynəlxalq Toxum Federasiyası 1924-cü ildə yaradılıb. İlk Konqres də həmin ildə baş tutub. Bu il Azərbaycan Ümumdünya Toxum Konqresində ilk dəfə iştirak edib.
Kənd Təsərrüfatı Nazirliyi tabeliyində Dövlət Toxum Fondu ölkədə kənd təsərrüfatı məhsulları istehsalçılarını yüksək məhsuldar bitki sortlarının toxumları ilə təchiz etmək, habelə təbii fəlakətə (sel, yanğın, quraqlıq və s.) məruz qalmış bölgələrdə toxuma olan ehtiyacı aradan qaldırmaq, daxili bazarda toxum çatışmazlığının və toxumun qiymət artımının qarşısını almaq məqsədilə Azərbaycan Respublikası Prezidenti cənab İlham Əliyevin 2015-ci il 2 mart tarixli Sərəncamına əsasən yaradılıb.
İsmayıllıda növbəti Aqrar Biznes Festivalı keçirilib
08 May 2024
11-12 may tarixlərində “Kənddən Şəhərə” həftəsonu yarmarkası təşkil ediləcək
08 May 2024
Aqrar Sığorta Fondunun İdarə Heyətinin sədri Fuad Sadıqov Ağdamda vətəndaşları qəbul edəcək
08 May 2024
Aqrar Sığorta Fondu hava şəraitinin kəskin dəyişməsi ilə bağlı fermerlərə müraciət edib
08 May 2024
Aqrar Kredit və İnkişaf Agentliyinin sədri Seymur Mövlayev Balakəndə vətəndaşları qəbul edəcək
08 May 2024