Kənd Təsərrüfatı Naziri İnam Kərimov ilə Dünya Bankı Qrupunun Maliyyə, Rəqabət və İnnovasiyalar Birgə Qlobal Təcrübə bölməsinin Latın Amerikası və Karib hövzəsi, Şərqi Avropa və Qafqaz üzrə Təcrübə meneceri Damien Şilzin rəhbərlik etdiyi nümayəndə heyətini qəbul edib.
Görüşün məqsədi Kənd Təsərrüfatı Nazirliyi ilə Beynəlxalq Maliyyə Korporasiyası arasında gələcək əməkdaşlığın perpektivlərinin müzakirəsi olub.
Nazir İnam Kərimov nazirliyin beynəlxalq təşkilatlarla əməkdaşlıqda maraqlı olduğunu və strateji fəaliyyətinin əsas prinsiplərinin kəndli və fermerlərə yaxınlıq, düzgün və səmərəli idarəçilik, innovasiyaların tətbiqi olduğunu qonaqların diqqətinə çatdırıb. Bundan əlavə İnam Kərimov nazirliyin fəaliyyət istiqamətləri barədə də məlumat verib, məhsul istehsalında, xüsusilə baramaçılıq və tərəvəzçilikdə yeni innovasiyaların tətbiqindən söhbət açıb.
Nazir əməkdaşlığın birinci mərhələsində diaqnostika-məlumat bazasının yaradılması, analitik təhlil kimi məsələlərə diqqət yetirilməsini, ikinci mərhələdə ayrı-ayrı məhsullar üzrə ixracatçılara dəstək vermək və kənd təsərrüfatında sığorta sisteminin təşkilinin vacibliyini nəzərə çatdırıb.
Damien Şilz də öz növbəsində İnam Kərimovu Kənd Təsərrüfatı Naziri vəzifəsinə təyin olunması münasibətilə təbrik edib və Beynəlxalq Maliyyə Korporasiyası tərəfindən həyata keçirilən layihələr barədə nazirə geniş məlumat verib.
Sonda qarşılıqlı maraq doğuran məsələlər barədə geniş fikir mübadiləsi aparılıb.
İsmayıllıda növbəti Aqrar Biznes Festivalı keçirilib
08 May 2024
11-12 may tarixlərində “Kənddən Şəhərə” həftəsonu yarmarkası təşkil ediləcək
08 May 2024
Aqrar Sığorta Fondunun İdarə Heyətinin sədri Fuad Sadıqov Ağdamda vətəndaşları qəbul edəcək
08 May 2024
Aqrar Sığorta Fondu hava şəraitinin kəskin dəyişməsi ilə bağlı fermerlərə müraciət edib
08 May 2024
Aqrar Kredit və İnkişaf Agentliyinin sədri Seymur Mövlayev Balakəndə vətəndaşları qəbul edəcək
08 May 2024