Aqrar Xidmətlər Agentliyinin bitki mühafizəsi üzrə fəaliyyət göstərən yerli qurumları tərəfindən 2021-ci ilin məhsulu üçün əkilmiş payızlıq taxıl əkini sahələrində siçanabənzər gəmiricilərin geniş yayılmasının qarşısının alınması məqsədi ilə artıq əksər taxılçılıq rayonlarında bu zərərvericilərlə bağlı müşahidə və mübarizə tədbirlərinə start verilmiş və əsas diqqət bu zərərvericilərə qarşı mübarizə tədbirlərinin vaxtında aparılmasına yönəlib.
2020-ci ilin sentyabr ayı və oktyabr ayının birinci yarısında respublika ərazisində bu zərərverici ilə bağlı ümumilikdə 22089.0 hektar ərazidə müşahidələr aparılmış, 6189.0 hektar ərazidə sirayətlənmə aşkar edilmişdir. Mütəxəssislərin məsləhət və tövsiyələri əsasında 367.7 hektar ərazidə aqrotexniki və mexaniki mübarizə tədbirləri həyata keçirilmiş, 1888.5 hektar sahədə isə büdcə vəsaiti hesabına alınmış dərman preparatlarından istifadə olunmaqla kimyəvi mübarizə tədbirləri aparılıb. Mübarizə tədbirləri əsasən Tovuz, Şəmkir və Şabran rayonlarının ərazisində aparılmışdır.Hazırda müşahidə və mübarizə tədbirləri davam etdirilir.
Fermerlərə siçanabənzər gəmiricilərin əkin sahələrinə vura biləcəkləri ziyanın vaxtında qarşısının alınması məqsədi ilə bu zərərvericinin müşahidə edildiyi ilk dövrlərdə Aqrar Xidmətlər Agentliyinin yerli qurumlarına, rayon bitki mühafizəsi mərkəzlərinə müraciət olunması tövsiyə olunur.
İsmayıllıda növbəti Aqrar Biznes Festivalı keçirilib
08 May 2024
11-12 may tarixlərində “Kənddən Şəhərə” həftəsonu yarmarkası təşkil ediləcək
08 May 2024
Aqrar Sığorta Fondunun İdarə Heyətinin sədri Fuad Sadıqov Ağdamda vətəndaşları qəbul edəcək
08 May 2024
Aqrar Sığorta Fondu hava şəraitinin kəskin dəyişməsi ilə bağlı fermerlərə müraciət edib
08 May 2024
Aqrar Kredit və İnkişaf Agentliyinin sədri Seymur Mövlayev Balakəndə vətəndaşları qəbul edəcək
08 May 2024