Quba rayonunda “Respublikanın şimal bölgəsində payızlıq taxıl əkinlərinin mövcud vəziyyəti və qarşıda duran vəzifələr” mövzusunda regional müşavirə keçirilib. Tədbirdə Siyəzən, Şabran, Xaçmaz, Quba, Qusar, Abşeron və Qobustan rayonlarının Dövlət Aqrar İnkişaf Mərkəzlərinin rəhbərləri və mütəxəssisləri iştirak edib. Kənd Təsərrüfatı Nazirliyinin Bitkiçiliyin təşkili və monitorinqi şöbəsinin müdiri Rafail Quliyevin rəhbərliyi ilə keçirilən müşavirədə bildirilib ki, payızlıq taxıl bitkilərinin səpini üçün iqlim şəraitinin əlverişsiz keçməsinə baxmayaraq ümumilikdə respublikanın əksər rayonlarında taxıl bitkilərinin səpini optimal müddətdə, yəni oktyabr-noyabr ayılarında aparılaraq bir milyon hektardan çox payızlıq taxılların səpini başa çatdırılıb.
Müşavirədə taxıl sahələrinin fitosanitar vəziyyəti, növbəti mərhələlərdə aparılacaq aqrotexniki tədbirlərin yerinə yetirilməsi üçün pestisidlərdən vaxtında və düzgün istifadə edilməsi və yemləmə gübrələri ilə təminatın vəziyyəti şimal rayonlarının DAİM rəhbərlərinin və Aqrar Xidmətlər Agentliyinin mütəxəssislərinin iştirakı ilə müzakirə edilib.
Müşavirədə çıxış edən Aqrar Xidmətlər Agentliyinin Bitki Mühafizə Mərkəzinin direktoru Azad İbrahimov taxıl sahələrinin fitosanitar vəziyyəti və qarşıda duran işlər, taxıl əkinlərində aparılmış monitorinqlər, həyata keçirilən tədbirlər, çətinliklər və onların həlli yolları barədə məlumat verib.
Tədbirdə taxıl sahələrinin suvarılmasının intensivləşdirilməsi, alaq otları və ziyanvericilərə qarşı mübarizə aparılması məqsədilə təsirli tədbirlərin həyata keçirilməsi tapşırılıb və nəticəsi barədə müntəzəm məlumatların təqdim olunması qərara alınıb.
Tədbirin sonunda Quba rayonunun bir neçə kəndində taxıl sahələrinə baxış keçirilib, müvafiq məsləhətlər verilib.
İsmayıllıda növbəti Aqrar Biznes Festivalı keçirilib
08 May 2024
11-12 may tarixlərində “Kənddən Şəhərə” həftəsonu yarmarkası təşkil ediləcək
08 May 2024
Aqrar Sığorta Fondunun İdarə Heyətinin sədri Fuad Sadıqov Ağdamda vətəndaşları qəbul edəcək
08 May 2024
Aqrar Sığorta Fondu hava şəraitinin kəskin dəyişməsi ilə bağlı fermerlərə müraciət edib
08 May 2024
Aqrar Kredit və İnkişaf Agentliyinin sədri Seymur Mövlayev Balakəndə vətəndaşları qəbul edəcək
08 May 2024