Azərbaycan Dövlət Aqrar Universitetinin (ADAU) aqronomluq fakültəsinin bir qrup professor-müəllim heyətinin növbəti təlimi Ağdam rayonun Quzanlı qəsəbəsində yerləşən Dövlət Aqrar İnkişaf Mərkəzində (DAİM) keçirilib. Təlim zamanı payızlıq taxıl əkinlərinə qulluq işləri və yazlıq bitkilərin səpini ilə əlaqədar məlumat verilib.
Təlimçilər müasir torpaq sıxlığını ölçən peenetrometr cihazı, torpaq nəmliyini ölçən elekron nəmlik cihazı haqqında, onların iş prinsipi və tarlada istifadəsinə dair fermerlərə tövsiyələr verib. Eyni zamanda universitetin müasir aqrokimya laboratoriyasının fəaliyyəti, taxıl sahələrində iqlim dəyişikliklərinin yaratığı risklər, onların idarə edilməsi yolları, taxıl sahələrində yayılmış alaqlar, xüsusəndə tülpəngə qarşı mübarizə tədbirləri, əsas yemləmə və fertiqasiya gübrələnməsi zamanı uyğun gübrələrin seçilməsi barədə də ətraflı məlumat verilib.
Həmçinin payızlıq taxıl əkinlərinin suvarılması, gübrələnməsi, məhsuldar buğda sortları və onların mütərəqqi becərilmə texnologiyalarından danışılıb. Universitetin bitki klinikasının laboratoriyası, taxıl sahələrində yayılmış xəstəliklər, onların əlamətləri və diaqnozu qaydaları, o cümlədən, həmin xəstəliklərə qarşı mübarizə tədbirləri haqqında elmi məlumatlar çatdırıb.
Sonda fermerlərin sualları cavablandırılıb, onların təlim ehtiyatları müəyyənləşdirilib və təklifləri dinlənilib.
Qubada 3-cü “Aqrobiznesin İnkişafı Forumu” keçiriləcək
27 Mart 2024
Aqrar Sığorta Fondu Neftçalada əkin sahələrində subasma halları ilə bağlı zərər dəyərləndirməsinə başlayıb
27 Mart 2024
Qazaxıstanda Türk Dövlətləri Təşkilatının Kənd Təsərrüfatı Nazirlərinin III Toplantısı keçirilib
21 Mart 2024
AFAQ layihəsi çərçivəsində Zəngilan rayonunda qadın fermerlərə dəstək göstərilib
19 Mart 2024
“Yaşıl dünya naminə həmrəylik ili” çərçivəsində Üzümçülük və Şərabçılıq Elmi - Tədqiqat İnstitutunda yaşıllaşdırma tədbirləri həyata keçirilir
18 Mart 2024