Azərbaycan Dövlət Aqrar Univeristetinin (ADAU) əməkdaşları Rumıniyanın Timişoara Banat Aqrar Elmlər və Baytarlıq Təbabəti Universitetində dünyanın 11 ölkəsindən - Türkiyə, Albaniya, Bosniya və Herseqovina, Misir, Kenya, Monteneqro, Rusiya Federasiyası, Özbəkistan, Tacikistandan olan iştirakçıların qoşulduğu “Yaşıl Beynəlxalq Erasmus+ Yay Həftəsi” adlı beynəlxalq tədbirdə iştirak edib.

Tədbirin məqsədi aqrar sahədə potensialın artırırmaq, işgüzar əlaqələr yaratmaq və inkişaf etdirmək, universitetlərarası təcrübə mübadiləsini genişləndirməkdir.

ADAU-nun Beynəlxalq əlaqələr şöbəsinin müdiri Küşvər Məmmədova çıxış edərək Gəncə şəhəri, Azərbaycan Dövlət Aqrar Universiteti haqqında geniş məlumat verib, ölkə başçısı cənab İlham Əliyevin Universitetə daim göstərdiyi diqqət və qayğısı nəticəsində formalaşmış zəngin maddi-texniki baza, tələbə evləri, yeni tədris korpusu barəsində tədbir iştirakçılarını məlumatlandırıb.

Qeyd edək ki, 24 iyul tarixindən start götürmüş beynəlxalq tədbir 31 iyulda başa çatacaq.