Azərbaycan Dövlət Aqrar Universitetinin baytarlıq ixtisası üzrə təhsil alan 3-cü kurs tələbələri Göygöl Rayon Baytarlıq İdarəsində tədris təcrübəsində olublar. Təcrübə çərçivəsində tələbələrə əvvəlcə idarənin strukturu, iş fəaliyyəti, görülən işlər, dövlət vəsaiti hesabına aparılan profilaktiki peyvəndlərmələr, diaqnostik müayinələr, eyni zamanda heyvan sahiblərinin öz vəsaiti hesabına aparılan baytarlıq tədbirləri haqqında ətraflı məlumatlar verilib. Həmçinin gələcəyin baytar həkimlərinə idarənin soyuducu kamerasında vaksinlərin «soyuq zəncir” rejiminə uyğun saxlanması, daşınması və istifadəsi, eləcə də baytarlıq tədbirlərinin aparılmasında istifadə edilən xüsusi geyim vasitələri, baytarlıq alətləri və ləvazimatları barədə məlumat verilib.
İdarənin əməkdaşları tərəfindən tələbələr texniki təhlükəsizlik qaydaları barədə məlumatlandırılıb və xüsusi geyim vasitələri ilə təmin olunduqdan sonra rayon ərazisində müxtəlif təsərrüfatlarda peyvəndləmə tədbirlərinin aparılması ilə əyani şəkildə tanış olublar.
Təsərrüfatlarda aparılan profilaktik tədbirlərlə əlaqədar tələbələri maraqlandıran suallar idarənin baytar mütəxəssisləri tərəfindən ətraflı cavablandırılıb. Tələbələr təcrübədən məmnun olduqlarını bildiriblər.
Aqrar Sahə İşçiləri Həmkarlar İttifaqı Respublika Komitəsi təsis edilib
29 Sentyabr 2023
Kənd Təsərrüfatı Nazirliyinin Aparat rəhbəri Azad Cəfərli Kürdəmirdə vətəndaşları qəbul edib
29 Sentyabr 2023
Kənd Təsərrüfatı Nazirliyinin vəzifəli şəxslərinin oktyabrda bölgələrdə keçirəcəyi vətəndaş qəbullarının qrafiki təsdiqlənib
29 Sentyabr 2023
Sabirabadda toxum sərgi-satış yarmarkası keçirilib
28 Sentyabr 2023
Elm, təhsil və insan resursları şöbəsinin müdiri İlham Süleymanov Şamaxıda vətəndaşları qəbul edəcək
28 Sentyabr 2023