Azərbaycan Respublikasının Kənd Təsərrüfatı Nazirliyi və BMT-nin Ərzaq və Kənd Təsərrüfatı Təşkilatının (FAO) birgə təşkil etdiyi Aqrar Məşğulluğun Artırılması Layihəsinin (AMAL) təşəbbüsü ilə AMAL Akademiyasının Yay Məktəbinə qeydiyyat başlayıb.
Gənc fermerlərin aqrar sahədə bilik və bacarıqlarının artırılması məqsədilə təşkil olunacaq peşəkar yay məktəbi 25 avqust- 1 sentyabr 2019-cu il tarixlərində Oğuz rayonunda keçiriləcək. Yay Məktəbində kənd təsərrüfatına maraq göstərən 18-35 yaş arasında gənclər iştirak edə bilər. Seçim zamanı gənclərin iştirak etmə məqsədi əsas meyarlardan biri olacaq.
Təlimlərin nəzəri hissəsi 20 saatdan ibarət olacaq və “Aqrobiznes anlayışı”, “Öz biznesini qurmağın yolları”, “Aqro-marketinq”, “Kənd təsərrüfatında innovasiyalar” kimi mövzuları əhatə edəcək. Təlimlər adları sadalanan sahələrin ekspertləri tərəfindən keçiriləcək.
Nəzəri və praktiki biliklərin daha yaxşı qavranılması üçün yay məktəbində yeni təlim texnologiyaları tətbiq ediləcək və təlimlər zamanı sahibkar təsərrüfatlarına səfərlər təşkil ediləcək.
AMAL Akademiyası Yay Məktəbinə son müraciət tarixi 10 avqust 2019-cu ildir.
Qeydiyyat üçün: http://amal.az/az/yay-mektebi
27-28 iyul tarixlərində “Kənddən Şəhərə” həftəsonu yarmarkası təşkil olunacaq
26 Iyul 2024
Yardımlıda Aqrar Biznes Festivalı keçirilib
25 Iyul 2024
AFAQ layihəsi çərçivəsində Tovuz rayonunda qadın fermerlərə dəstək göstərilib
25 Iyul 2024
Respublikada taxıl biçini ilə bağlı müsabiqə elan edilib
24 Iyul 2024
Avqustun 1-dən ərzaq məhsullarını satmaq niyyətində olan istehsalçı və satıcıların “tedaruk.az” portalında təkliflərini yerləşdirməsi prosesinə başlanılacaq
24 Iyul 2024