• Ana səhifə
  • Xəbərlər
  • İSMAYILLI VƏ ŞAMAXIDA GƏNCLƏR ÜÇÜN “AMAL” LAYİHƏSİNİN TƏQDİMATI KEÇİRİLƏCƏK
İSMAYILLI VƏ ŞAMAXIDA GƏNCLƏR ÜÇÜN “AMAL” LAYİHƏSİNİN TƏQDİMATI KEÇİRİLƏCƏK

AMAL (Aqrar Məşğulluğun Artırılması Layihəsi) barədə daha ətraflı məlumat vermək məqsədi ilə 19 dekabr 2018-ci il tarixdə saat 11:00-da İsmayillı rayonunun Mədəniyyət Evində İsmayillı, Oğuz və Qəbələ rayonlarında yaşayan gənclərlə görüş keçiriləcək.

Dekabrın 20-də isə Şamaxı rayon İncəsənət Mərkəzində “Aqrar Məşğulluğun Artırılması Layihəsi” çərçivəsində Şamaxı, Ağsu, Qobustan rayonlarının gəncləri ilə görüş keçiriləcək.

Saat 11.00-da başlayacaq görüşün məqsədi layihənin mahiyyəti, iştirak qaydaları, biznes planların hazırlanması barədə  gəncləri məlumatlandırmaqdır. Görüşlərə rayon və kəndlərdə yaşayan bütün gənclər, o cümlədən kənd təsərrüfatı ilə məşğul olmaq istəyən gənc xanımlar və məcburi köçkün ailələrindən olan gənclər dəvət olunur.

Tədbirlə bağlı ətraflı məlumat almaq və qeydiyyatdan keçmək istəyənlər office@amal.gov.az e-mail ünvanına müraciət edə bilərlər.

 

  • A
  • A
  • A