“Aqrar İnkişaf Könüllüləri” Təşkilatı və “Keçi Təsərrüfatçıları” İctimai Birliyi birgə əməkdaşlıq haqqında memorandum imzalayıb.
Memorandumda ölkəmizdə heyvandarlığın inkişafı istiqamətində yeni birgə layihələrin icrası ilə bağlı tədbirlər öz əksini tapıb.
Əldə olunan razılığa əsasən, tərəflər ölkəmizdə ərzaq təhlükəsizliyinin gücləndirilməsi, heyvandarlığın, xüsusilə intensiv heyvandarlığın inkişafı istiqamətində birgə tədbirlər həyata keçirəcək. “Aqrar İnkişaf Könüllüləri” Təşkilatının üzvləri fermerlərin maarifləndirilməsi məqsədilə təlim-seminarların təşkili, onların innovativ təcrübələrlə tanış olması ilə bağlı “Keçi Təsərrüfatçıları” İctimai Birliyinə köməklik göstərəcək.
Tədbirdə çıxış edən “Aqrar İnkişaf Könüllüləri” Təşkilatının sədri Kamran Əliyev və “Keçi Təsərrüfatçıları” İctimai Birliyinin sədri Elşən Süleymanov təmsil etdikləri təşkilatların fəaliyyəti və gələcək planları barədə məlumat veriblər.
Kamran Əliyev qeyd edib ki, ölkədə aqrar sahə qeyri-neft sektorunun ən aparıcı sahəsi elan edilib. Bildirib ki, həyata keçirilən aqrar islahatlar kənd təsərrüfatının daha da inkişafını nəzərdə tutur və bu məqsədlə dövlət tərəfindən böyük dəstək tədbirləri həyata keçirilir.
Bu ilin “Könüllülər ili” elan olunduğunu xatırladan “Aqrar İnkişaf Könüllüləri” Təşkilatının sədri vurğulayıb ki, aqrar sahədə ixtisaslaşmış gənc kadrların formalaşdırılması ilə bağlı müxtəlif layihələrin icrası nəzərdə tutulur.
27-28 iyul tarixlərində “Kənddən Şəhərə” həftəsonu yarmarkası təşkil olunacaq
26 Iyul 2024
Yardımlıda Aqrar Biznes Festivalı keçirilib
25 Iyul 2024
AFAQ layihəsi çərçivəsində Tovuz rayonunda qadın fermerlərə dəstək göstərilib
25 Iyul 2024
Respublikada taxıl biçini ilə bağlı müsabiqə elan edilib
24 Iyul 2024
Avqustun 1-dən ərzaq məhsullarını satmaq niyyətində olan istehsalçı və satıcıların “tedaruk.az” portalında təkliflərini yerləşdirməsi prosesinə başlanılacaq
24 Iyul 2024