"Aqrar İnkişaf Könüllüləri" Təşkilatının "Aqrar İnnovatorlar" layihəsinin bağlanış mərasimi keçirilib. Tədbirdə "Aqrar İnkişaf Könüllüləri" Təşkilatının sədri Sarvan Cəbrayılzadə, Kənd Təsərrüfatı Nazirliyinin şöbə müdiri müavini İlham Süleymanov, Bakı Gənclər Mərkəzinin direktoru Pərvin Qasımov, Aqrar Elm və İnnovasiya Mərkəzinin direktor müavini Əkbər Abbasov iştirak edib.
Tədbiri giriş sözü ilə açan “Aqrar İnkişaf Könüllüləri” Təşkilatının sədri Sarvan Cəbrayılzadə gənclər sektorunda könüllülərin fəaliyyəti, onların cəmiyyətə verdiyi faydalardan bəhs edib. Bildirib ki, qısa zaman ərzində aqrar könüllülər bu istiqamətdə ciddi fəaliyyətə başlayıb. Qeyd edilib ki, “Aqrar İnnovatorlar” layihəsi son texnoloji trendlərin istifadəsi baxımından xüsusi əhəmiyyətə malikdir.
Tədbirdə çıxış edən Kənd Təsərrüfatı Nazirliyinin İnsan Resursları şöbəsinin müdir müavini İlham Süleymanov və Aqrar Elm və İnnovasiya Mərkəzinin direktor müavini Əkbər Abbasov "Aqrar İnnovatorlar" layihəsini kənd təsərrüfatı sahəsində gənc mütəxəssislərin formalaşması, innovasiyanın aqrar sahədə tətbiqi, gənclərin startap və biznes layihələrinin düzgün formalaşmasında mühüm rol oynayan layihə kimi qiymətləndirib, iştirakçılara uğurlar arzulayıblar.
Sonda iştirakçılara sertifikatlar təqdim olunub və xatirə şəkli çəkilib.
Dənli bitki toxumlarının emalı zavodları mövsümə hazır vəziyyətə gətirilib
07 Iyun 2023
Taxıl biçini-2023: Düzgün dislokasiya və növbəlilik prinsipləri biçin prosesini sürətləndirir
07 Iyun 2023
Azərbaycan Respublikasının Prezidenti İlham Əliyev Kənd Təsərrüfatı Nazirliyinin Bakıda yeni inzibati binasının açılışında iştirak edib
06 Iyun 2023
İdxal-ixrac olunan məhsullarda, istehsal və saxlanma yerlərində fumiqasiya tədbirləri davam etdirilir
06 Iyun 2023
Respublikada taxıl biçininə hazırlıq işləri tam başa çatıb
05 Iyun 2023