Kənd Təsərrüfatı Nazirliyinin tabeliyində olan “Aqrar Tədarük və Təchizat” ASC kənd təsərrüfatı məhsullarının ixracının təşviqi istiqamətində fermerlər arasında maarifləndirmə tədbirləri keçirir.
Təlim formatında keçirilən tədbirlərə 5 hektardan artıq torpaq sahəsinə malik, tərəvəz əkini və ya bağçılıqla məşğul olan fermerlər cəlb olunur. Təlimlərdə məqsəd fermerləri kənd təsərrüfatı məhsullarının ixracı prosesi barədə məlumatlandırmaq, onların bu istiqamətdə bilik və bacarıqlarını inkişaf etdirməkdir.
Azərbaycanın altı bölgəsində keçirləcək təlimlərə bu gün Qax rayonunda start verilib. Qax Dövlət Aqrar İnkişaf Mərkəzində keçirilən ixraca təşviq təliminə yerli fermerlərlə yanaşı, Şəki, Zaqatala və Balakən rayonlarından olan kənd təsərrüfatı məhsullarının istehsalçıları qatılıblar. Təlim zamanı fermerlərə məhsul ixracı prosesinin təşkili, bu sahəyə dair qanunvericilik, xarici ölkələrdə idxal olunan kənd təsərrüfatı məhsulları ilə bağlı müəyyən olunmuş standartlar, logistika işinin təşkili və s. mövzular barədə ətraflı məlumat verilib.
Bu istiqamətdə növbəti təlim martın 4-də Quba rayonunda keçiriləcək. Regionlar üzrə təlimlərin martın 15-də yekunlaşması nəzərdə tutulur.
“Kənddən Şəhərə” həftəsonu yarmarkaları təşkil ediləcək
25 Aprel 2024
Aqrar Sığorta Fondunun sədri Göyçayda vətəndaşları qəbul edib, fermerlərlə görüşüb
25 Aprel 2024
Yaylaqlara köç edəcək fermerlər üçün mina təhlükəsizliyi ilə bağlı təlimlər başa çatıb
25 Aprel 2024
“Aqroservis” ASC-nin sədri Elmin Rəhmanov İmişlidə vətəndaşları qəbul edib
25 Aprel 2024
“Şəhərdən Kəndə” layihəsi çərçivəsində Qax və Oğuzda fermer təsərrüfatlarına dəstək göstərilib
24 Aprel 2024