Kənd Təsərrüfatı Nazirliyi yanında Aqrar Xidmətlər Agentliyinin mütəxəssisləri Azərbaycan Respublikası Nazirlər Kabinetinin 15 mart 1999-cu il tarixli 40 nömrəli qərarı ilə təsdiq edilmiş “Nəqliyyat vasitələrinə və onların qoşqularına dövlət texniki baxışının keçirilməsi qaydaları haqqında nümunəvi Əsasnamə”nin tələblərinə uyğun olaraq “Azərsu” ASC-nin nəqliyyat və xüsusi texnika idarəsində traktor və digər mexaniki nəqliyyat vasitələrinə dövlət texniki baxışı keçiriblər.
Texniki baxış zamanı tüstüyə operativ nəzarət portativ cihazı, mexaniki nəqliyyat vasitələrinin sükan idarəetməsinin boşluğunun ölçü cihazı, yolda sınama metodu ilə əyləc (tormoz) sisteminin effektivliyinin ölçü cihazı kimi müasir cihazlardan istifadə edilib. Texniki baxışa təqdim edilən nəqliyyat vasitələrinin texniki vəziyyətinin dövlət standartlarının və digər normativ-hüquqi aktların tələblərinə uyğunluğu yoxlanılıb. Yoxlama nəticəsində həmin nəqliyyat vasitələrinə dövlət texniki baxışından keçməsinə dair akt tərtib edilib, elektron talon verilib, bu barədə kağız üzərində və elektron daşıyıcılarda müvafiq qeydiyyat aparılıb. Ümumilikdə, 119 nəqliyyat vasitəsinə dövlət texniki baxışı keçirilib.
Keçirilən tədbir çərçivəsində nəqliyyat vasitələrinin mülkiyyətçilərinə müəyyən edilmiş müddətdə dövlət texniki baxışından keçmələri tövsiyə edilib və Azərbaycan Respublikasının “İnzibati Xətalar Məcəlləsi”nin 340.1-ci maddəsinə uğun tətbiq edilən cərimələrin miqdarı izah olunub. Eləcə də mexanizatorların texnikaları idarə etmək üçün sürücülük vəsiqələrinin kateqoriyaya uyğunluğu yoxlanılıb və maarifləndirmə işi həyata keçirilib.
Kənd Təsərrüfatı Nazirliyi 2024-cü il üçün doktorantura və dissertanturaya qəbul elan edir
19 Aprel 2024
Aqrar Sığorta Fondunun İdarə Heyətinin sədri Fuad Sadıqov Göyçayda vətəndaşları qəbul edəcək
19 Aprel 2024
“Aqroservis” ASC-nin İdarə Heyətinin sədri Elmin Rəhmanov İmişlidə vətəndaşları qəbul edəcək
19 Aprel 2024
Ankarada Türkiyə-Azərbaycan Kənd Təsərrüfatı İcra Komitəsinin 11-ci iclası keçirilib
19 Aprel 2024
Kənd təsərrüfatı nazirinin müavini Elçin Zeynalov Lerikdə vətəndaşları qəbul edib, təsərrüfatlara baş çəkib
18 Aprel 2024