“AQROLİZİNQ” ASC  ÖDƏNİŞLƏRİN QƏBULUNDA YENİLİK EDİB  

 

Qurum avqustun 1-dən \"ASAN Pay\" ödəniş sisteminə inteqrasiya olunub

 

\"Aqrolizinq\" ASC 1 avqust 2018-ci il tarixindən \"ASAN Pay\" ödəniş sisteminə inteqrasiya olunub. Artıq şirkətin fəaliyyət növlərinə uyğun ödənişlərin ödənilməsi \"ASAN Pay\" ödəniş terminalı və elektron kartlar vasitələri ilə \"ASAN Ödəniş\" sistemi üzərindən aparıla bilər. Bunun üçün ödəyicilər asanpay.az saytına daxil olaraq Kredit/Lizinq bölməsində \"Aqrolizinq\" ASC bölməsini seçərək FİN kodunu yazmalı və öz şəxsiyyətini identifikasiya etməlidir. Daxil edilən məlumatlara uyğun sistemdən ödəyicinin öhdəliklərinə dair məlumatlar çağırılır və ödəniş edilməsi təklif olunur.

Bu gündən etibarən \"ASAN Ödəniş\" sistemi ilə digər ödəniş sistemlərinin inteqrasiyası nəticəsində “E-manat”, “Milliön”, “Hesab.az” kimi ödəniş sistemlərindən və poçt məntəqələrindən ödəniş etmək mümkün olacaq.

“Aqrolizinq” ASC-nin  \"ASAN Pay\" sisteminə inteqrasiyasında əsas məqsəd vətəndaşlara lizinq xidmətlərinin daha rahat, yeni və innovativ üsullarla təqdim edilməsi, vətəndaşlar üçün əlçatanlığın təmin edilməsi və vətəndaş məmnunluğunun artırılmasıdır. 


  • A
  • A
  • A