Astara və  Masallı rayonlarının Dövlət Aqrar İnkişaf Mərkəzlərində və tarla şəraitində “Çəltik bitkisinə aqrotexniki qulluq işlərinin vaxtında,  keyfiyyətlə yerinə yetirilməsi və təhlükəsizlik qaydalarına əməl olunması” mövzusunda növbəti təlim keçirilib.

Təlimdə Astara və  Masallı rayonlarında çəltikçiliklə məşğul olan fermerlər iştirak edib.

Azərbaycan Dövlət Aqrar Universitetinin aqronomluq fakültəsinin  bitkiçilik  və bitki mühafizəsi kafedrasının müdiri, dosent Qurban Məmmədov, kafedranın dosenti Vusal Məmmədov və assistent Sahil Quliyev təlim iştirakçılarına çəltik bitkisinə aqotexniki qulluq işləri və bu zaman təhlükəsizlik qaydalarına əməl olunması ilə bağlı tövsiyə veriblər.

Təlimdə mövzu ətrafında müzakirələr aparılıb, fermerləri maraqlandıran suallar cavablandırılıb.