Azərbaycan Dövlət Aqrar Universitetində(ADAU) “Aqrar sahədə çalışan mütəxəssislərin bilik və bacarıqlarının artırılması layihəsi” çərçivəsində aqronomluq, torpaqşünaslıq, aqrokimya, bitki mühafizəsi və zoomühəndislik istiqamətləri üzrə ödənişsiz təkmilləşdirmə kurslarına qeydiyyat başlanıb.

Layihənin məqsədi aqronomluq, torpaqşünaslıq, aqrokimya, bitki mühafizəsi və zoomühəndislik ixtisasları üzrə orta ixtisas və ya ali təhsil almış, eyni zamanda bu sahə  üzrə fəaliyyət göstərən mütəxəssislərin praktik bilik və bacarıqlarının artırılmasıdır.

Təkmilləşdirmə kursları ödənişsizdir. Bakı şəhəri və ətraf rayonlardan kurslarda iştirak etmək istəyənlər universitetin tələbə evində ödənişsiz yaşayış yeri ilə təmin olunacaqlar. Həmçinin, kursu müvəffəqiyyətlə başa vuran iştirakçılara sertifikatlar təqdim olunacaq.

Müraciət üçün son tarix: 21 avqust 2021-ci il

Müraciət üçün aşağıdakı linkə daxil olun:

https://forms.gle/2KUZzvcLzCTdXUw38