Bu gün Azərbaycan Respublikası Kənd Təsərrüfatı Nazirliyi və Azərbaycan Respublikası Atçılıq Federasiyasının birgə təşkilatçılığı ilə Binə Atçılıq Mərkəzində Çövkən Milli Atüstü oyunu üzrə “Prezident Kuboku”nun final görüşü keçirilib.
8-ci dəfə təşkil olunan “Prezident Kuboku” turnirində bu dəfə yalnız DNT təhlili vasitəsilə valideyn mənsubiyyəti müəyyən edilmiş milli cins atlarımız olan “Qarabağ” və “Dilbaz”dan istifadəyə icazə verilib.
Çövkən qədim zamanlardan Azərbaycanda atüstü oyun kimi geniş yayılıb. Bu yarışların keçirilməsinin əsas məqsədi xalqımızın mədəni irsi olan atüstü milli oyunların qorunub saxlanması, qədim tarixə malik atçılıq ənənələrinin bərpasından ibarətdir. Bu oyun yarış zamanı istifadə edilən, ağacdan hazırlanmış alətin adı ilə (çövkən, çovgan, çoğan) belə adlandırılıb. Bu yarışda hər komandada 5 atlı olmaqla milli cins atlarımız “Qarabaq” və “Dilbaz” iştirak edib.
İndiyədək 6 komandanın iştirakı ilə ümumilikdə 10 oyun keçirilib. Final görüşündə “Buta Golden” və “Polad” komandaları birincilik uğrunda mübarizə aparıb. “Buta Golden” komandası rəqibini 2-1 hesabı ilə üstələyərək “Prezident Kuboku”nun qalibi olub. Qalib komandanın üzvləri mükafat və kubokla təltif olunublar.
Qeyd edək ki, yarışın ümumi mükafat fondu 50000 manat təşkil edib.
"Aqro SMM" layihəsinin bağlanış mərasimi keçirilib
10 Yanvar 2022
“Rəqəmsal Kənd Təsərrüfatı” layihəsinin əhatə dairəsi genişlənir
10 Yanvar 2022
Meyvə bağlarında mövsümi tədbirlər- Fermerlərə məsləhət
06 Yanvar 2022
Texnikaların dövlət qeydiyyatı və texniki baxışı önəmlidir
23 Dekabr 2021
Aqrobiznesin inkişaf istiqamətləri müzakirə olunub
23 Dekabr 2021