Hazırda respublikanın müxtəlif rayonlarında taxıl biçini davam edir. Dövlət Toxum Fondunun aqronom və mütəxəssisləri tərəfindən toxumluq sahələrdə aparılan monitorinqin nəticəsinə görə bu il fermerlər yüksək məhsul əldə ediblər.
Bildirək ki, toxumçuluq sahəsi ərzaq təhlükəsizliyinin təmin olunmasının əsas prioritet istiqamətlərindəndir. Bu sahənin inkişafı ilə bağlı son illərdə respublikanın 5 bölgəsində müasir tipli toxum emalı müəssisələri yaradılaraq fermerlərə xidmət göstərməsi təmin edilib. Eyni zamanda, toxumçuluq üzrə təcrübə təsərrüfatlarının maddi-texniki bazası ən müasir avadanlıqlarla təchiz olunub. Bu sahədə fəaliyyətin səmərəli təşkili kənd təsərrüfatı bitkilərinin məhsuldarlığının və keyfiyyətinin yüksəldilməsinə əhəmiyyətli dərəcədə müsbət təsir göstərir. Kənd təsərrüfatı bitkilərinin becərilməsində yeni yaradılan sortlardan və sertifikatlı toxumlardan istifadə edilməsi məhsuldarlığı 20-30 faiz artırır.
Bu il yüksək məhsuldarlıq əldə edilən taxıl sahələrində xəstəliklərə, ziyanvericilərə və alaq otlarına qarşı kimyəvi mübarizə və aqrotexniki tədbirlər düzgün və vaxtında aparılıb, bitkilərin inkişaf fazasından asılı olaraq yemləmə gübrələrindən istifadə olunub, bununla yanaşı məhsul istehsalçıları ilə mütamadi maarifləndirmə söhbətləri aparılıb.
Məlumat üçün bildirək ki, cari ilin yanvar ayından başlayaraq Dövlət Toxum Fondu tərəfindən Şabran, Xaçmaz, Şəki, Ağcabədi, Qobustan, Füzuli, Beyləqan, Göygöl, Tovuz, Gədəbəy, rayonlarında toxumluq sahələrə baxış keçirilib.
Kənd Təsərrüfatı Nazirliyinin Aparat rəhbəri Azad Cəfərli Biləsuvarda vətəndaşları qəbul edib
28 Mart 2024
Qubada 3-cü “Aqrobiznesin İnkişafı Forumu” keçiriləcək
27 Mart 2024
Aqrar Sığorta Fondu Neftçalada əkin sahələrində subasma halları ilə bağlı zərər dəyərləndirməsinə başlayıb
27 Mart 2024
Qazaxıstanda Türk Dövlətləri Təşkilatının Kənd Təsərrüfatı Nazirlərinin III Toplantısı keçirilib
21 Mart 2024
AFAQ layihəsi çərçivəsində Zəngilan rayonunda qadın fermerlərə dəstək göstərilib
19 Mart 2024