Kənd Təsərrüfatı Nazirliyinin tabeliyində Dövlət Toxum Fondunun mütəxəssisləri İsmayıllı, Qax, Zaqatala, Şəki və  Balakəndə toxumçuluq sahəsində fəaliyyət göstərən fermer, toxumçu və sahibkarlarla görüşüb.
Bu rayonların Dövlət Aqrar İnkişaf Mərkəzlərində baş tutan tədbirdə toxumçuluğun inkişaf etdiyi dövlətlərdə əldə olunan nailiyyətlər müzakirə olunub, ölkədə toxumçuluğun inkişafı mövzusunda fikir mübadiləsi aparılıb, yüksək məhsuldar toxumlara olan təlabat öyrənilib. Bildirilib ki, məhsuldarlığın artırılması üçün yüksək reproduksiyalı, rayonlaşmış taxıl və tərəvəz toxumlarına olan tələbat əsasən daxili istehsal hesabına ödənilir.
Səfər çərçivəsində Toxum Fondunun Şəki Toxum Emalı Zavoduna baxış keçirilib. Qonaqlar zavodda mövcud infrastrukturla tanış olub və göstəriləcək xidmətlər haqqında onlara ətraflı məlumat verilib.