Kənd Təsərrüfatı Nazirliyi yanında Dövlət Baytarlıq Xidmətinin rəisi Bayandur Rzayev və Xidmətin bir qrup baytar həkimi Astara rayonuna ezam ediliblər. Xidmət rəisi və baytar həkimlər Astara rayonunun Əsxənəkəran, Pəlikəş, Hamuşam, Siyəkü, və Səncərədi kəndlərində olublar. Ezamiyyənin məqsədi ərazidə saxlanılan xırdabuynuzlu heyvanlar arasında epizootik vəziyyəti araşdırmaq və yerli baytarlıq mütəxəssislərinə əməli köməklik göstərmək olub.
Rayonun kəndlərində heyvanlara kliniki baxış keçirilib, təsərrüfatlarda dezinfeksiya tədbirləri aparılıb və heyvanlardan müayinə məqsədi ilə nümunələr götürülərək Azərbaycan Respublikasının Qida Təhlükəsizliyi Agentliyinin Milli İstinad Laboratoriyasına göndərilib.
Həmçinin təsərrüfatlarda müalicəsi tələb olunan heyvanlarda müalicə işi aparılıb, mütəxəssislərə əməli köməklik göstərilib, təsərrüfatda invazion və qan-parazitar xəstəliklərinə qarşı aparılan tədbirlərin vacibliyi önə çəkilib.
Kəndlərdə Bayandur Rzayev təsərrüfat sahibləri ilə görüşərək lazımı tövsiyə və məsləhətlər verib.
Dövlət Baytarlıq Xidməti bildirir ki, hal-hazırda respublikada, o cümlədən Astara rayonunda iti yoluxucu xəstəliklərə görə epizootik vəziyyət sabitdir.
Kənd təsərrüfatı nazirinin müavini İlhamə Qədimova Qusarda vətəndaşları qəbul edəcək
17 Aprel 2024
Qazaxda Aqrar Biznes Festivalı keçirilib
17 Aprel 2024
Yevlaxda iqlim dəyişikliyinə adaptasiya edən torpaq və resurs qoruyucu yeni texnologiyalar nümayiş olunacaq
17 Aprel 2024
İlin ilk rübündə Aqrar Biznes Festivallarına 23 rayondan 3 minədək fermer qatılıb
16 Aprel 2024
Kənd təsərrüfatı nazirinin müavini Sarvan Cəfərov Neftçalada vətəndaşları qəbul edib, təsərrüfatlara baş çəkib
16 Aprel 2024