Aqrar Elm və İnnovasiya Mərkəzinin təşəbbüsü ilə regionlarda əlverişsiz iqlim amillərinin təsirlərinin aradan qaldırılması ilə bağlı fermerlərin maarifləndirilməsi davam etdirilir. Bitki Mühafizə və Texniki Bitkilər İnstitutunun təşkilatçılığı ilə Ağcabədi rayonunda “Taxıl əkinlərində zərərvericilərə və siçanabənzər gəmiricilərə qarşı innovativ mübarizə tədbirləri və təhlükəsizlik qaydalarına əməl olunması” mövzusunda elmi-praktik seminar keçirilib. Beyləqan Regional Aqrar Elm və İnnovasiya Mərkəzinin və Ağcabədi rayon Dövlət Aqrar İnkişaf Mərkəzinin dəstəyi ilə birgə təşkil olunmuş seminar nəzəri və praktiki hissədən ibarət olub.
Tarla şəraitində keçirilmiş sahə nümayişində zərərvericilərin növ tərkibinin sıxlığının müşahidəsi həyata keçirilib. Fermerlərin, aqrar sahə mütəxəssislərinin iştirakı ilə keçirilmiş müşahidə zamanı əkin sahəsində bitkinin yerüstü və yeraltı orqanlarına baxılıb. Bildirilib ki, laboratoriyada yığılmış nümunələrin növ tərkibi dəqəqləşdirilərək istehsalçılara məlumatlar veriləcək. Sahə nümayişində alimlər tərəfindən bitkilərin yerüstü orqanlarının zədələnmə faizi, intensivliyi aşkar edilərək əyani misallar üzərində göstərilib. Eyni zamanda, zərərli orqanizmlərin populyasiyasının sıxlığı müəyyən edilərək mübarizə tədbirləri nümayiş etdirilib.
Sahə nümayişi çərçivəsində fermerlərə taxıl əkinlərində innovativ texnologiyaların tətbiqi ilə bağlı dərin şumun üstünlükləri, qış və yaz aratı üçün şırımaçan aqreqatın iş prinsipləri, tirəyə səpin texnologiyası haqqında da ətraflı məlumat verilib.
İştirakçılara taxıl bitkisinin xəstəlik və zərərvericilərinə aid iki müxtəlif adda 40 ədəd tövsiyə, altı adda 200 ədəd buklet paylanıb.
27-28 iyul tarixlərində “Kənddən Şəhərə” həftəsonu yarmarkası təşkil olunacaq
26 Iyul 2024
Yardımlıda Aqrar Biznes Festivalı keçirilib
25 Iyul 2024
AFAQ layihəsi çərçivəsində Tovuz rayonunda qadın fermerlərə dəstək göstərilib
25 Iyul 2024
Respublikada taxıl biçini ilə bağlı müsabiqə elan edilib
24 Iyul 2024
Avqustun 1-dən ərzaq məhsullarını satmaq niyyətində olan istehsalçı və satıcıların “tedaruk.az” portalında təkliflərini yerləşdirməsi prosesinə başlanılacaq
24 Iyul 2024