Kənd Təsərrüfatı Nazirliyinin Aqrar Elm və İnnovasiya Mərkəzi tərəfindən müəyyən olunmuş təlim proqramına uyğun olaraq fermerlərin maarifləndirilməsi məqsədilə təlimlər davam etdirilir.

Təlim proqramı çərçivəsində  29 yanvar-12 fevral tarixləri arasında 1289 fermerin iştirakı ilə aqrar sahədə fermerləri maraqlandıran mövzular üzrə ümumilikdə 35 təlim keçirilib.

“Barama istehsalının səmərəli təşkili” ilə bağlı təlim proqramı çərçivəsində 1097 kümçü fermerin iştirakı ilə 36 Dövlət Aqrar İnkişaf Mərkəzində onlayn formada 8 təlim keçirilib.

Salyan, Tərtər, Quba, Şəki  Regional Aqrar Elm və İnnovasiya Mərkəzləri tərəfindən keçirilən 16 əyani təlimdə 172 nəfər və Heyvandarlıq Elmi-Tədqiqat İnstitutu tərəfindən keçirilən 3 onlayn təlimdə isə 20 nəfər iştirak edib.

Fermerlərin bilik və bacarıqlarının artırılması məqsədilə təşkil olunan təlimlər davam etdirilir.