Kənd Təsərrüfatı Nazirliyinin Təhsil və təlim şöbəsinin hazırladığı tədbirlər planına uyğun olaraq Azərbaycanın bölgələrində fermerlər üçün kənd təsərrüfatı fəaliyyətinin müxtəlif sahələrinə dair növbəti təlimlərə başlanılıb.
Aprelin 3-dən başlayan təlimlər bu ayın sonunadək davam edəcək. Təlimlər Baş Dövlət Texniki Nəzarət Xidməti, Aqrar Elm və İnnovasiya Mərkəzi, Aqrar Kredit və İnkişaf Agentliyi, “Aqrolizinq” ASC, Bitki Sortlarının Qeydiyyatı və Toxum Nəzarəti üzrə Dövlət Xidməti, Dövlət Baytarlıq Xidməti, Dövlət Fitosanitar Xidməti tərəfindən təşkil olunacaq. Nazirliyin Elmi-Tədqiqat İnstitutlarının, Regional Aqrar Elm və İnnovasiya Mərkəzlərinin və Dövlət Xidmətlərinin alim və mütəxəssisləri təlimçi qismində çıxış edəcəklər.
Təlimlər respublikanın kənd təsərrüfatı üzrə ixtisaslaşmış ayrı-ayrı rayonlarını əhatə edəcək. Tədbirlər planına uyğun olaraq fermerlərə kənd təsərrüfatının müxtəlif sahələrini əhatə edən mövsümi işlərlə bağlı təqdimatlar keçiriləcək, informasiya-məsləhət xidməti göstəriləcək. Təlimlərdə iştirak üçün heç bir ödəniş tələb olunmur.
Təlimlərdə iştirak etmək istəyən şəxslər Kənd Təsərrüfatı Nazirliyinin 1652 Çağrı Mərkəzi ilə əlaqə saxlaya və ya Dövlət Aqrar İnkişaf Mərkəzlərinə müraciət edə bilərlər.
Qeyd edək ki, Kənd Təsərrüfatı Nazirliyi tərəfindən fermerlərə il boyu aqrar sahənin bütün istiqamətlərini əhatə edən mövsümə uyğun təlimlər keçirilir.
Qubada Aqrar Biznes Festivalı keçirilib
28 Mart 2024
Kənd Təsərrüfatı Nazirliyinin Aparat rəhbəri Azad Cəfərli Biləsuvarda vətəndaşları qəbul edib
28 Mart 2024
Qubada 3-cü “Aqrobiznesin İnkişafı Forumu” keçiriləcək
27 Mart 2024
Aqrar Sığorta Fondu Neftçalada əkin sahələrində subasma halları ilə bağlı zərər dəyərləndirməsinə başlayıb
27 Mart 2024
Qazaxıstanda Türk Dövlətləri Təşkilatının Kənd Təsərrüfatı Nazirlərinin III Toplantısı keçirilib
21 Mart 2024