KƏND TƏSƏRRÜFATI NAZİRLİYİNİN NÜMAYƏNDƏ HEYƏTİ TÜRKMƏNİ...

KƏND TƏSƏRRÜFATI NAZİRLİYİNİN NÜMAYƏNDƏ HEYƏTİ TÜRKMƏNİSTANDA SƏFƏRDƏ OLUB

Azərbaycan Kənd Təsərrüfatı Nazirliyinin nümayəndə heyəti Türkmənistanda iki günlük rəsmi səfərdə olublar. Səfərdə məqsəd Türkmənistanın pambıqçılıq sahəsində təcrübəsi ilə tanış olmaq, bu sahənin inkişafı ilə bağlı fikir mübadiləsi aparmaqdır. Kənd təsərrüfatı nazirinin müşaviri Şöhrət Vəkilovun rəhbərlik etdiyi nümayəndə heyəti Türkmənistan kənd və su təsərrüfatı nazirinin müavini Cuma Annayev ilə görüş keçirib, pambıqçılığın mövcud durumunu müzakirə aparıblar. Nümayəndə heyəti səfər çərçivəsində pambıq emalı və yağ emalı zavodlarında, tekstil kombinatında istehsal prosesi ilə tanış olublar.