Sabirabad və Saatlı, Salyan və Neftçala rayonlarında “Yem bitkilərinə aqrotexniki qulluq işlərinin vaxtında, keyfiyyətlə yerinə yetirilməsi və təhlükəsizlik qaydalarına əməl olunması” mövzusunda təlim keçirilib. Təlimdə bu rayonlarda yemçiliklə məşğul olan fermer, sahibkar və kənd təsərrüfatı mütəxəssisləri iştirak edib.
Əkinçilik Elmi-Tədqiqat İnstitutunun “Yemlərin texnologiyası və zootexniki qiymətləndirilməsi” laboratoriyasının müdiri Sevil Abbasquliyeva təlim iştirakçılarına respublikada heyvandarlığın inkişafında yem bazasının yaradılmasının zəruriliyi, bu sahədə yaşıl konveyerin rolu barədə məlumat verib.
Təlimçi Sevil Abbasquliyeva yem bitkiləri və onlardan keyfiyyətli məhsul alınmasında aqrotexniki qulluq işləri, üzvi və mineral gübrələrin əhəmiyyəti, torpağın qida maddələri ilə zənginləşdirilməsində paxlalı yem bitkilərinin rolu və heyvandarlığın yem bazasının möhkəmləndirilməsi üçün tarla yemçiliyinin imkanları barədə geniş məruzə edib.
Təlimdə heyvandarlığın inkişafında əsas amillərdən biri olan silos, senaj, vitaminləşdirilmiş ot unu və digər yemlərdən də bəhs edilib. Təlimdə əyani vəsait kimi slayd materiallarından istifadə edilib.
Təlim çərçivəsində fermerləri maraqlandıran suallar ətraflı cavablandırılıb, mövzu ətrafında geniş müzakirələr aparılıb.
Dənli bitki toxumlarının emalı zavodları mövsümə hazır vəziyyətə gətirilib
07 Iyun 2023
Taxıl biçini-2023: Düzgün dislokasiya və növbəlilik prinsipləri biçin prosesini sürətləndirir
07 Iyun 2023
Azərbaycan Respublikasının Prezidenti İlham Əliyev Kənd Təsərrüfatı Nazirliyinin Bakıda yeni inzibati binasının açılışında iştirak edib
06 Iyun 2023
İdxal-ixrac olunan məhsullarda, istehsal və saxlanma yerlərində fumiqasiya tədbirləri davam etdirilir
06 Iyun 2023
Respublikada taxıl biçininə hazırlıq işləri tam başa çatıb
05 Iyun 2023