Sabirabad və  Saatlı rayonlarının Dövlət Aqrar İnkişaf Mərkəzində və tarla şəraitində “Bostan bitkilərinə aqrotexniki qulluq işlərinin vaxtında yerinə yetirilməsi və təhlükəsizlik qaydalarına əməl olunması” mövzusunda növbəti təlim keçirilib.

Azərbaycan Dövlət Aqrar Universitetinin aqronomluq fakültəsinin  bağçılıq kafedrasının dosent əvəzi Fəqan Ağayev, bitkiçilik və bitki mühafizəsi kafedrasının dosent əvəzi Aytəkin Məmmədova, ümumi əkinçilik, genetika və seleksiya kafedrasının assistenti  Dünya İsayeva təlim iştirakçılarına bostan bitkilərinin əkinlərindən yüksək və keyfiyyətli məhsul alınmasında aqrotexniki qaydalara əməl edilməsinin məhsuldarlığa və məhsulun keyfiyyətinə təsiri, üzvi və mineral gübrələrin əhəmiyyəti, torpağın qida maddələri ilə təmin olunmasından asılı olaraq veriləcək gübrə normalarının müəyyənləşdirilməsi və  onların verilmə qaydaları barədə geniş məlumat verib.

Eyni zamanda, təlim iştirakçılarına məhsul yığımının vaxtında, itkisiz  yerinə yetirilməsi üçün təhlükəsizlik qaydalarına əməl olunması tövsiyə olunub.

Təlimdə mövzu ətrafında müzakirələr aparılıb, fermerləri maraqlandıran suallar cavablandırılıb.