Kənd təsərrüfatının ənənəvi sahələrindən olan baramaçılığın inkişafı istiqamətində rayonlarda ardıcılı tədbirlər həyata keçirilməkdədir. Cari mövsümdə barama istehsalının səmərəli təşkili məqsədi ilə Aqrar Elm və İnnovasiya Mərkəzinin (AEİM) təşkilatçılığı ilə Sabirabad rayonunun Qaragüney kəndində barama istehsalı ilə məşğul olan fermer Hakim Fətişovun 1 hektarlıq tut (çəkil) bağında tarla seminarı keçirilib. Tədbirdə AEİM-in direktoru, Nazirliyin yerli qurumlarının nümayəndələri və rayonda barama istehsalı ilə məşğul olan kümçü fermerlər iştirak ediblər.
Seminarda qeyd olunub ki, dövlət dəstəyi və ardıcıl həyata keçirilən tədbirlər nəticəsində baramaçılığa maraq artır. Tədbirdə baramaçılığın inkişafı məqsədilə yem bazasının yaradılması, mövcud çəkil bağlarına aqrotexniki qulluq işlərinin vaxtında göstərilməsi, budama işlərinin həyata keçirilməsi və məhv olmuş tinglərin yerli istehsal hesabına bərpa olunması məsələləri müzakirə edilib.
Yeni tut bağlarının salınmasında tinglərin vegetativ yolla çoxaldılması praktikası əyani şəkildə fermerlərə nümayiş etdirilib. Bildirilib ki, təsərrüfat şəraitində tinglərin vegetativ yolla çoxaldılması cavan zoğlardan çiliklərin hazırlanması, tingçilik üçün ayrılmış torpaq sahəsində köklənmə üçün əkilməsi və növbəti ildə əkin sxemi üzrə sahəyə köçürülməsini özündə ehtiva edir. Vegetativ yolla çoxaldılama tinglərin yerli şəraitə daha rahat adaptasiya olunmasını və inkişafını təmin edir.
Seminarda baramaçılıqda yem bazasının gücləndirilməsi ilə bağlı səsləndirilən təkliflər qeydə alınıb, qaldırılan məsələlər ətraflı müzakirə olunub. Seminardan sonra kənddə mövcud kümxanalara baxış keçirilib və cari mövsümə hazırlıqla bağlı tövsiyyələr verilib.
Kənd Təsərrüfatı Nazirliyi 2024-cü il üçün doktorantura və dissertanturaya qəbul elan edir
19 Aprel 2024
Aqrar Sığorta Fondunun İdarə Heyətinin sədri Fuad Sadıqov Göyçayda vətəndaşları qəbul edəcək
19 Aprel 2024
“Aqroservis” ASC-nin İdarə Heyətinin sədri Elmin Rəhmanov İmişlidə vətəndaşları qəbul edəcək
19 Aprel 2024
Ankarada Türkiyə-Azərbaycan Kənd Təsərrüfatı İcra Komitəsinin 11-ci iclası keçirilib
19 Aprel 2024
Kənd təsərrüfatı nazirinin müavini Elçin Zeynalov Lerikdə vətəndaşları qəbul edib, təsərrüfatlara baş çəkib
18 Aprel 2024