Kənd Təsərrüfatı Nazirliyi yanında Aqrar Xidmətlər Agentliyinin mətbuat xidmətindən verilən məlumata görə, sirayətlənmə əsasən rayonun Qarasaqqal və Qara ağac kəndləri ərazisini əhatə edir. Həmçinin, rayon ərazisindəki meşə massivi, dövlət fond torpaqları və qış otlaq sahələrini əhatə edən 5000 hektar sahədə çəyirtkəkimilərinin güclü axını müşahidə edilməkdədir.
İyunun 12-dən etibarən 1200 hektar sahədə başlayan kimyəvi mübarizə tədbirləri hazırda davam edir. Mübarizə işləri Kənd Təsərrüfatı Nazirliyi yanında Aqrar Xidmətlər Agentliyi və Respublika Bitki Mühafizə Mərkəzi tərəfindən təşkil olunub. Mübarizə işinə mobil bitki mühafizəsi dəstəsinin 20-dan çox işçisi və Qida Təhlükəsizlik Agentliyinin mütəxəssisləri cəlb olunublar. Fövqəladə Hallar Nazirliyinin təchizat - kömək dəstələri kimyəvi mübarizə tədbirlərinə cəlb olunub. Həmçinin, mübarizə tədbirlərinə cəlb olunmuş çiləyici maşınların işinin tənzimlənməsi üçün su maşınlarını müntəzəm olaraq zərərvericilərə sirayətlənmiş sahələrə cəlb ediblər. Ağır texnikalar isə meşələrin və relyefin keçilməz yerlərində yollar açaraq çiləyici maşınların hərəkətinə şərait yaradırlar. Ekologiya və Təbii Sərvətlər Nazirliyi də meşə massivində çiləyici maşınların və mobil bitki mühafizəsi dəstələrinin fəaliyyətinin tənzimlənməsi üçün öz dəstəyini göstərməkdədir.
Kimyəvi mübarizə zamanı 9 ədəd "Mitsubishi l200" markalı avtomobilin üzərinə quraşdırılmış "Skout 28S300" markali avtonom çiləyici aparat və 4 ədəd traktora qoşulmuş 2000 litrlik ventilyatorlu çiləyicilərdən, eləcə də kontakt və sistem təsirli preparatlardan və indekslərdən istifadə olunur.
İtaliya çəyirtkəkimiləri kütləvi çoxalan illərdə kənd təsərrüfatı bitkilərinə böyük ziyan verir. Yovşan və yabanı dənli bitkilər olan çöllər, yovşanlı yarımsəhra yerlər və boş sahələr bu zərərvericilərin yaşayış yerləridir. Çöllərdə, qumlu və gilli torpaqlarda yumurta qoyurlar. Çünki belə torpaqları günəş yaxşı qızdırır.
Kimyəvi mubarizəni həmişə küləyin istiqamətinə perpendikulyar şəkildə, sahənin qurtaracağında başlamaq lazımdır. Mübarizə zamanı küləyin sürəti 5m/san-dən çox olmamalı, traktorun hərəkət sürəti isə 7 km/saat olmalıdır. Dərman preparatları kənarda həll edilib tokulməlidir.
Kənd Təsərrüfatı Nazirliyi 2024-cü il üçün doktorantura və dissertanturaya qəbul elan edir
19 Aprel 2024
Aqrar Sığorta Fondunun İdarə Heyətinin sədri Fuad Sadıqov Göyçayda vətəndaşları qəbul edəcək
19 Aprel 2024
“Aqroservis” ASC-nin İdarə Heyətinin sədri Elmin Rəhmanov İmişlidə vətəndaşları qəbul edəcək
19 Aprel 2024
Ankarada Türkiyə-Azərbaycan Kənd Təsərrüfatı İcra Komitəsinin 11-ci iclası keçirilib
19 Aprel 2024
Kənd təsərrüfatı nazirinin müavini Elçin Zeynalov Lerikdə vətəndaşları qəbul edib, təsərrüfatlara baş çəkib
18 Aprel 2024