Şəki rayonunda fermerlərə “Yem bitkilərində aqrotexniki qulluq işlərinin vaxtında və keyfiyyətlə yerinə yetirilməsi və təhlükəsizlik qaydalarına əməl olunması” mövzusunda təlim-seminar keçirilib.

Təlimi Əkinçilik Elmi-Tədqiqat İnstitutunun böyük elmi işçisi Zamanova Rəhminə keçib.

Təlimdə Şəki rayonundan heyvandarlıqla məşğul olan 17, Qax rayonundan isə 16 fermer iştirak edib. Təlim iştirakçılarına müxtəlif yem bitkilərinin qarışıq səpin sistemində və yaşıl konveyer üsulu ilə becərilməsində innovativ qulluq işlərinin vaxtında yerinə yetirilməsi, yemin vaxtında tədarük edilməsinin düzgün təşkil edilməsi, həyata keçirilən tədbirlər zamanı təhlükəsizlik qaydalarına düzgün əməl olunması ilə bağlı məsələlərə aydınlıq gətirilib və bu mövzu geniş müzakirə edilib.

Heyvandarlıqla məşğul olan sahibkarlar, əsasən də arıçı femerlər tərəfindən verilmiş suallar ətraflı cavablandırılıb, yaxşı bal verən yem bitkiləri haqqında ətraflı məlumat verilib.