Quba-Xaçmaz bölgəsində fəaliyyət göstərən toxumçuların istehsal etdikləri toxum materialının keyfiyyətli və vaxtında emal edilərək əkinə hazırlığı məqsədilə Dövlət Toxum Fondunun emal zavodu inşa edilib. Xaçmaz rayonu, Qaraçayçək kəndində tikilmiş zavod istifadəyə hazırdır və mövsüm dövründə - iyunun 1-də fəaliyyətə başlayacaq.
Xaçmaz Toxum Emalı zavodu saatda 5 ton toxum emal etmək gücünə malikdir. Müəssisə mövsüm dövründə 4000 tondan çox toxum emalını həyata keçirməklə, regionda istehsal olunan toxum materialının 20%-dən çoxunu təmizləyib toxumçuların istifadəsinə verəcək.
Toxum Fondunun toxum emalı zavodunun üstünlüyü həm də emalın daha az itkiyə səbəb olması və yüksək məhsuldarlıq təklif etməsidir. Müəssisə təqdim edilən toxum materialından 90%-dən çox məhsul əldə etməyə imkan verir.
Zavodun Quba-Xaçmaz regionunda fəaliyyət göstərən fermerlərə təqdimatında iştirakçılara toxum təmizləmə prosesi nümayiş etdirilib. Sınaq emal prosesindən sonra toxumçularla zavodun əməkdaşlıq imkanları müzakirə edilib. Dövlət Toxum Fondunun sədri Emin Əliyev bildirib ki, zavod toxumçuların məhsullarını emal etməklə yanaşı, həm də onların istehsal etdikləri toxumun alıcısı ola bilər. Qeyd edək ki,müəssisənin aldığı toxum ölkənin ehtiyat toxumu kimi saxlanılacaq.
Xaçmazda tikilmiş yeni zavod toxumçulara daha çox toxum emal etmək imkanı verəcək
Azad olunmuş ərazilərdəki yaylaqlara köçlə bağlı qeydiyyat başlayıb
29 Mart 2024
Kənd təsərrüfatı nazirinin müavini İlhamə Qədimova Masallıda vətəndaşları qəbul edib, fermerlərlə görüşüb
29 Mart 2024
Qubada III Aqrobiznesin İnkişafı Forumu çərçivəsində panel sessiyalar keçirilir
29 Mart 2024
"Aqroservis" ASC-nin sədr müavini İlyas Həsənov Zaqatalada vətəndaşları qəbul edib, təsərrüfatlara baş çəkib
29 Mart 2024
Qubada III Aqrobiznesin İnkişafı Forumu keçirilir
29 Mart 2024