Aqrar Elm və İnnovasiya Mərkəzinin Meyvəçilik və Çayçılıq Elmi-Tədqiqat İnstitutunun (MÇETİ) təşkilatçılığı ilə Xaçmaz rayonunda “Çəyirdəkli meyvə bitkilərinin becərilmə texnologiyası və aqrotexniki qulluq tədbirləri” mövzusunda fermerlər üçün təlim keçirilib. Təlimdə Xaçmaz Dövlət Aqrar İnkişaf Mərkəzinin, Meyvəçilik və Çayçılıq Elmi-Tədqiqat İnstitutunun əməkdaşları və fermerlər iştirak edib.
Təlimdə Elmi Tədqiqat İnstitutunun böyük elmi işçisi Zəminə Sərhədova “Çəyirdəkli meyvə bitkilərinin becərilmə texnologiyası”, institutun mütəxəssisi Asif Kərimov “Çəyirdəkli meyvə bitkilərində aqrotexniki qulluq qaydaları” mövzularında təqdimatlarla çıxış ediblər. Çıxışlarda çəyirdəkli meyvə bağlarında budama və formavermə, müasir suvarma sistemləri və gübrələmə qaydaları barədə ətraflı məlumat verilib.
Təlimin sonunda keçirilən mövzu üzrə geniş müzakirələr aparılıb, iştirakçıları maraqlandıran suallara mütəxəssislər tərəfindən ətraflı izahatlar verilib.
İştirakçı fermerlərin öz bağ ərazilərindən gətirdikləri xəstəliklərlə sirayətlənmiş ağac budaqlarının nümunələri MÇETİ-nin əməkdaşları tərəfindən institutun İnteqrir mübarizə texnologiyaları şöbəsinə təqdim edilib. Bildirilib ki, nümunələrdən analiz götürülərək müəyyən edilmiş xəstəlik, onun xarakteristikası və ona qarşı inteqrir mübarizə tədbirləri üzrə onlara məsləhət və tövsiyələr veriləcəkdir.
Həmçinin vurğulanıb ki, hər bir fermer Quba rayonunda yerləşən Meyvəçilik və Çayçılıq Elmi-Tədqiqat İnstitutuna müraciət edərək meyvəçilik sahəsində maraqlandığı mövzu üzrə məsləhətlər ala bilər.
Qubada 3-cü “Aqrobiznesin İnkişafı Forumu” keçiriləcək
27 Mart 2024
Aqrar Sığorta Fondu Neftçalada əkin sahələrində subasma halları ilə bağlı zərər dəyərləndirməsinə başlayıb
27 Mart 2024
Qazaxıstanda Türk Dövlətləri Təşkilatının Kənd Təsərrüfatı Nazirlərinin III Toplantısı keçirilib
21 Mart 2024
AFAQ layihəsi çərçivəsində Zəngilan rayonunda qadın fermerlərə dəstək göstərilib
19 Mart 2024
“Yaşıl dünya naminə həmrəylik ili” çərçivəsində Üzümçülük və Şərabçılıq Elmi - Tədqiqat İnstitutunda yaşıllaşdırma tədbirləri həyata keçirilir
18 Mart 2024