Dövlət Toxum Fondu tərəfindən Stavropol vilayətindən gətirilmiş 180 ton quraqlığa və kəskin iqlim şəraitinə dözümlü elit “Qrom” və “Krasnodar 99” buğda toxumlarının satışı həyata keçirilib. Alıcılar ödənişi həyata keçirdikdən sonra yüksək məhsuldarlıqlı toxumları Şəki şəhərində yerləşən anbardan 2-3 oktyabr tarixlərində təhvil alıblar.
Toxumçuların və fermerlərin yüksək reproduksiyalı toxumlara olan tələbatlarını nəzərə alaraq toxumçuluq üçün nəzərdə tutulan elit toxumların gətirilməsi davam etdiriləcək. Bu məqsədlə artıq Stavropol vilayətində toxumçuluqla məşğul olan şirkət ilə 140 ton “Qrom” elit toxumunun gətirilməsi üçün müqavilə bağlanılıb. Müqavilənin şərtlərinə əsasən qeyd olunan toxum 15-17 oktyabr tarixləri ərzində ölkəyə daxil olacaq. Artıq toxum satışı ilə əlaqədar sifarişlər qəbul olunur.
Eyni zamanda Dövlət Toxum Fondu tərəfindən erkən əkilən (farac), yüksək məhsuldarlıqlı və birinci reproduksiyalı kartof toxumlarının gətirilməsi planlaşdırılır. Toxumların sifarişi artıq qəbul olunur və əldə etmək istəyən fermerlər Kənd Təsərrüfatı Nazirliyinin “1652” Çağrı Mərkəzinə müraciət edə bilərlər.
“Aqroservis” ASC-nin İdarə Heyətinin sədri Elmin Rəhmanov İmişlidə vətəndaşları qəbul edəcək
19 Aprel 2024
Ankarada Türkiyə-Azərbaycan Kənd Təsərrüfatı İcra Komitəsinin 11-ci iclası keçirilib
19 Aprel 2024
Kənd təsərrüfatı nazirinin müavini Elçin Zeynalov Lerikdə vətəndaşları qəbul edib, təsərrüfatlara baş çəkib
18 Aprel 2024
Kənd Təsərrüfatı Nazirliyinin Aparat rəhbəri Azad Cəfərli Ağsuda vətəndaşları qəbul edəcək
18 Aprel 2024
Kənd təsərrüfatı nazirinin müavini İlhamə Qədimova Qusarda vətəndaşları qəbul edəcək
17 Aprel 2024