Zaqatalada fındıçılıqla məşğul olan fermer və sahibkarlara “Qərzəkli bitkilərin xəstəlik və zərərvericiləri ilə mübarizə və pestisidlərlə iş zamanı təhlükəsizlik qaydaları”na dair təlim keçirilib. Təlim Kənd Təsərrüfatı Nazirliyi yanında Aqrar Xidmətlər Agentliyinin (AXA) mütəxəssislərinin, bölgə fermerlərinin və sahibkarların iştirakı ilə keçirilib.
Tədbirdə AXA-nın Respublika Bitki Mühafizəsi Mərkəzinin şöbə müdiri Allahverdi Mustafayev qərzəkli bitkilərinin, xüsusilə fındığın əsas xəstəlik və zərərvericilərinin fenologiyası, mübarizədə yeni pestisidlərdən istifadə, pestisidlərlə iş zamanı texniki təhlükəsizlik qaydaları, inteqrir mübarizəyə keçidin təməl prinsipləri və yeni innovativ texnologiyaların tətbiqi kimi prioritet mövzular üzrə iştirakçılara məlumat verib.
Tədbir çərçivəsində iştirakçılar tarla şəraitində findiq sahələrinə baxış keçiriblər. Baxış zamanı xəstəlik və zərərvericilərə qarşı vaxtında mübarizə aparılması qaydaları izah olunub. Həmçinin, məhsulun vaxtında və itkisiz yığilması iştirakçıların diqqətinə çatdırılıb. Eyni zamanda, əhalinin ekoloji təmiz kənd təsərrüfatı məhsulları ilə təmin edilməsi, eləcə də təbii mühitin zəhərli kimyəvi maddələrdən qorunması mövzusunda təlimlərin mütəmadi keçirilməsinin vacibliyi bildirilib.
Sonda fermer və sahibkarlarla geniş fikir mübadiləsi aparılıb, onları maraqlandıran suallar ətraflı cavablandırılıb.
Kənd Təsərrüfatı Nazirliyi 2024-cü il üçün doktorantura və dissertanturaya qəbul elan edir
19 Aprel 2024
Aqrar Sığorta Fondunun İdarə Heyətinin sədri Fuad Sadıqov Göyçayda vətəndaşları qəbul edəcək
19 Aprel 2024
“Aqroservis” ASC-nin İdarə Heyətinin sədri Elmin Rəhmanov İmişlidə vətəndaşları qəbul edəcək
19 Aprel 2024
Ankarada Türkiyə-Azərbaycan Kənd Təsərrüfatı İcra Komitəsinin 11-ci iclası keçirilib
19 Aprel 2024
Kənd təsərrüfatı nazirinin müavini Elçin Zeynalov Lerikdə vətəndaşları qəbul edib, təsərrüfatlara baş çəkib
18 Aprel 2024