Azərbaycanda brusellyoz xəstəliyinə qarşı aparılan mübarizə metodları ABŞ-ın Mikrobiologiya Assosasiyasının Atlanta şəhərində keçirdiyi “ASM Microbe -2018” konfransında təqdim edilib. Dünyanın müxtəlif ölkələrindən 8 mindən çox nümayəndənin iştirak etdiyi konfransda Kənd Təsərrüfatı Nazirliyi yanında Kənd Təsərrüfatı Layihələri və Kreditlərinin İdarə Edilməsi üzrə Dövlət Xidmətinin mütəxəssisləri də iştirak edib. Tədbirdə Dövlət Xidmətinin həyata keçirdiyi Kənd Təsərrüfatının Rəqabət Qabiliyyətinin Gücləndirilməsi Layihəsinin heyvan sağlamlığı və baytarlıq xidmətləri subkomponentinin mütəxəssisləri “Azərbaycanda kənd təsərrüfat heyvanları arasında brusellyozun prevalentliyi” mövzusunda hazırladıqları materialların təqdimatını keçiriblər.
ABŞ-ın “Centers for Disease Control and Prevention” (Xəstəliklərin Nəzarət və Profilaktika Mərkəzləri), eləcə də Cənubi Koreya, İspaniya, Fransa, Çin, Banqladeş və s. ölkələrin nümayəndələri Azərbaycanda layihə tərəfindən brusellyoz xəstəliyinə qarşı aparılan mübarizə tədbirlərinə böyük maraq göstəriblər. Konfransda Gürcüstan, Ukrayna və Özbəkistanın nümayəndələri bu təcrübənin öz ölkələrində müzakirə edilməsi məqsədilə birgə seminarların keçirilməsini təklif ediblər.
Qeyd edək ki, Kənd Təsərrüfatının Rəqabət Qabiliyyətinin Gücləndirilməsi Layihəsi çərçivəsində ölkə üzrə brusellyoza qarşı mərhələli seromonitorinq və kütləvi peyvəndləmə strateqiyasına əsasən mübarizəyə başlanıb. Ölkə üzrə bu təhlükəli xəstəliyin yayılma səviyyəsi müəyyənləşdirilib, heyvanlardan götürülmüş qan nümunələrinin serumu ayrılaraq serumbank yaradılıb, iri və xırdabuynuzlu heyvanlar arasında peyvəndləmə kampaniyası davamlı olaraq həyata keçirilir. Xırdabuynuzlu heyvanlar arasında uzun müddətli immunitet yaradan effektiv peyvənd hesab olunan Rev-1 konyuktival vaksini ilə və iribuynuzlu heyvanlar arasında ölkədə ilk dəfə olaraq konyuktival S-19 vaksini ilə peyvəndləmə aparılır.
Nazir Məcnun Məmmədov Macarıstanın kənd təsərrüfatı naziri ilə görüşüb
24 May 2023
Üzümlüklərdə vaxtında yerinə yetirilən yaşıl əməliyyat yüksək keyfiyyətli və bol məhsulun alınmasını təmin edir – Fermerlərə məsləhət
24 May 2023
Xarici mütəxəssislərin iştirakı ilə toxumluq sahələrin monitorinqi keçirilib
23 May 2023
Azərbaycanda buğda bitkisində pas xəstəliklərinə qarşı mübarizə mövzusunda konfrans keçirilib
19 May 2023
“Caspian Agro” çərçivəsində aqrar sahənin aktual mövzularına dair panel sessiyalar davam edir
18 May 2023